Sýningar og skemmtun
Hjólasýningar BMX BRÓS eru það sem þeir eru þekktastir fyrir og hafa þeir mætt á hátíðir, í skóla, bæjarfélög, frístundamiðstöðvar og einkaviðburði síðan árið 2015. Sýningarnar eru orkumikil og mögnuð upplifun fyrir áhorfendur á öllum aldri. BMX BRÓS geta lofað því að enginn fer ósnortinn af slíkri skemmtun.
Námskeið og þrautabrautir
BMX BRÓS bjóða upp á að mæta í sveitafélög, skóla og fyrirtæki og vera með námskeið, þrautabrautir og kennslu fyrir krakka á öllum aldri. Námskeiðin geta verið frá 1 klst upp í eins langan tíma og hentar. Þátttakendur læra grundvallaratriðin, mikilvægi þess að hita upp og teygja, prófa að stökkva og enda svo í skemmtilegri tímatöku í þrautabraut með allskyns áskorunum.
Skemmtun sem svíkur engan!
Um okkur
BMX BRÓS urðu til í hinum geysivinsæla sjónvarpsþætti Ísland Got Talent árið 2015. Þar höfnuðu þeir í 2.sæti og heilluðu þjóð með áhættusömum kúnstum og orkumikilli framkomu. Þar voru þeir Benedikt og Magnús í fyrsta skiptið að gera listir á BMX hjólunum fyrir framan áhorfendur, fyrir keppnina höfðu þeir einungis horft á þetta magnaða sport sem áhugamál. Í kjölfarið opnuðust dyr inn í heim sýninga og kennslu. Vegna mikillar eftirspurnar fysta árið var honum Antoni bætt við í teymið. Síðan þá hafa þeir þrír verið ötulir við að sýna og kenna listir á hátíðum um land allt.
